أوركسترا أبوحمادة السيمفوني الدولي السريع

عتريس الليثي زميلي في المدرسة الإبتدائي ربنا كرمه وساب التعليم واشتغل مع أبوه في محل الخردوات اللي على أول شارع 19 أغسطس...عتريس من زمان و هو بيشاركني حب المزيكا الكلاسيك، يعني أول لمّا عمدتنا العظيم صاحب فكرة الأوركسترا أنشأ لنا الأوركسترا السيمفوني السريع والمتين كنت أنا و عتريس من أول الناس اللي كانت رايحة جاية على الحفلات كل شهر، وعمري ما انسى لما كنا نروح أنا و هوه بعد حفلة من الحفلات، ونركب حمار أبوه اللي أحياناً كان بيديهولنا نروح بيه ونتكلم عن المؤلفات اللي سمعناها ، سيمفونية "الجاموس" لمؤلفها صقر الششتاوي أوالقصيد السيمفوني المؤثر:"آلام مجند في الأمن المركزي" بتاع صبحي عيداروس و لا كونشيرتو "ريحة الحبايب" لفاطمة كوارع وغيره و غيره من المؤلفات العظيمة و المهمة اللي الأوركسترا كان بيعزفها وإحنا كنا نقعد فاتحين بقنا وقاعدين ندور الصوت بيطلع منين ولا منين. المهم إن عتريس من ساعة ما ساب التعليم بطّل ييجي معايا الحفلات، ومابقيناش بنشوف بعض إلا كل فين وفين. من يومين و أنا ماشي في الكفر لمحت الواد عتريس راكب توك توك و بيحمّل ركّاب فقابلنا بعض بالأحضان

النحت: هو كل عمل أو نشاط خارجي يدر ربحاً إضافياً للعازف، و يستوجب التواجد لمرة أو أكثر في موقع النحت لمدة لا تقل عن 15 دقيقة. موقع النحت: أي مؤسسة أو مكان أو استوديو أو فندق أو مطعم أو خرابة يتم الإتفاق على أن يتم بها النحت من خلال عقد النحت. عقد النحت: و هو العقد المبرم بين النحيت و جهة الإستنحات و الذي يتم من خلاله إستقدام النحيت إلى موقع النحت لممارسة النحت و العقد نوعان: أ‌. عقد شفهي: و هو أخطر أنواع عقود النحت، لأن جهة الإستنحات ممثلة في السمسار أو مدير الإنتاج أو المغني أو أي هباب برك مسئول عن الفلوس تستطيع بكل بساطة التخلّي عن خدمات النحيت في أي لحظة و بكده يبقى اتخصم لك نوبة في الأوركسترا على فشوش، و الأستاذ حسيني هيفرح فيك و هيزقطط و هو بيكتبك في قائمة المخصوم منهم آخر الشهر. ب‌. عقد تحريري: و هو لا يقل خطورة عن العقد الشفهي و لكن يتميز عن العقد الشفهي بوجود ورقة العقد التي يمكن استخدامها بعد ما يقرطسوك استخدامات متعددة!يعني ممكن تزنق بيها باب النمليّة أو الكومودينو اللي في أوضة العيال، و ممكن تكتب على ضهرها حساب البقال أو ترسم فيل بزلّومة لإبنك أو لنفسك (حسب حالت

منذ ثمان سنوات أصيبت أحدى زميلاتنا الروسيات إصابة مروعة إثر حادث سيارة، وتطلبت حالتها عمليتي تربنة في المخ في خلال أربع وعشرين ساعة. وفقدت الذاكرة لبضعة أسابيع، وكانت كمن بدأ الحياة من الصفر. وكانت أكبر المشاكل كما شرح لنا الطبيب النفسي وقتها أن الذاكرة البعيدة المرتبطة بالأهل والمدرسة (وهو الجزء الخاص بالحياة في روسيا) هي الأقرب للتعافي، ثم تبدأ الأجزاء الأبعد فالأقرب تاريخياً في التعافي. وكان من أكثر المشاهد التي آلمتني وأثرّت فيّ رغبتها في الخروج من المنزل لزيارة والديها، ظناً منها أنها لا تزال في روسيا. وحينما كنا نحاول أن نشرح لها أننا الآن في مصر ، وأن والديها في روسيا، وأنهما بعيدين كل البعد، لم تكن تصدق، وكانت تسخر منا وتقول أن والديها على بعد محطتي ترام من هنا، وليس علينا سوى أن نستقل الترام من أمام المنزل. وبعد شد وجذب قررت أنا وأختها أن ننزل بها إلى الشارع لكي تتأكد أن الشارع ليس به ترام، وأننا في مصر. ولن أنسى ما حييت انطباع وجهها حينما رأت الشارع وأحست بالخديعة الكبرى. لقد كانت تعبيرات وجهها تشبه من تمت خيانته من قبل الجميع. لقد بدت وكأنها هبطت على كوكب آخر ولا تع

أوباما راجل ولا كل الرجالة، دكر كده، وتحسه فحل...يعني آخر النهار تحس كده إن البت ميشيل دي ربنا بارك لها في مالها وفي عيالها وف راجلها...(طول عمر أمها تدعيلها علشان كانت بتسمع الكلام!) دكر دكر يعني. غير هباب البرك بوش ابن العبيطة اللي قبله، اللي كان خيخة كده، وهزؤ، وكل كلمة والتانية يعك، ويدوس في الحلل... فاكرين جامعة القاهرة لما اسم النبي حارسه شريف منير راح قايم ومزعق من كتر نشوته وابتهاجه: "بنحبك يا أوباما"...صلاة النبي يا صلاة النبي!!! وعلى فكرة، ساعتها كان أوباما في عزه، وكان مسنجف الشباب آخر سنجفة، وكل الناس كانت مصدقة، وزيتنا كان في دقيقنا، والعريس جمال مبارك كان قاعد في الكوشة ومستني أبوه يزف له البلد باللي فيها، وأمريكا كانت شايفة وعارفة ومطنشة ومظبطة وكل المسائل كانت في التمام قوي. أوباما من يومين عايز طبعاً يروق العيال الجديدة اللي طالعة له في المقدر، واللي مش مفهوم لهم همه مين، وتبع مين، وبيبيعوا إيه...راح متنازل عن مليار دولار ديون...إيدك أبوسها يا عم الحاج! مشششكرين مشششكرين مششششكرين!!! وبعدين كمان أصله عايز يغطي على فضيحة سياسته الخارجية لما كلينتون هان

أحياناً باحسك نصاب، مش عارف ليه...مش نصاب نصاب يعني، بس نصاب على كذاب على حرامي...كوكتيل كده. يعني تيجي في يوم وتقول لي الشرف، والنزاهة، والعدل، وسيادة القانون، والحق...أسمع كلامك وأصدقك، وأقول في عقل بالي: "حرام عليك تظلم الراجل"، وبعدين في لحظة ألاقيك لابس كرانيش، وترتر، ونازل تلم النقطة من الزباين، ووسطك فاكك آخر حاجة، ولا وسط سهير زكي في أزهى أيامها... واحاول ساعتها أصطاد عينك علشان تيجي في عيني وأفكرك بتصريحاتك الصارمة عن مجرى العدالة، وهيبة الدولة، وسلطة الشعب...ألاقيك بتجري من هنا لهنا لهنا، وعايش في الزيطة، ومش فايق لي... تاني يوم نتقابل، وإنت بالبدلة على باب المحكمة، ما اعرفكش...أقول لك: "إمبارح..." تقول لي : "إمبارح مين، وإزاي وإمتى"..أقول يمكن باظلمه، يمكن مش هو... يوميها بالليل أشوفك، وأعلمك بالوحمة اللي في قفاك، وأقول لك: "أهوه...إنت أهوه! مش شبهك، ولا أنا مجنون، مش إنت بتاع الصبح؟ بتاع العدالة والحق والشعب" تبص وتقول: "على فكرة إنت مش فاهم...كل اللي حوالينا، وإنت شخصياً كده.." ياعم ما ترسى لك على بر كده أمال، وتطل

أحلى حاجة في الأفلام الهندية إنها ما بتبقاش عاوزة تخلص، يعني عالآخر كده بعد مرور ثلاث ساعات على بداية الفيلم وبعد لما يكون البطل قتل معظم أعداءه، وطلع نص الممثلين في الفيلم قرايبه والنص الثاني زمايله في المدرسة، والراجل الشرير دمه سايح ومطرطش على حبيبة البطل، والبطل حاضن حبيبته بقاله أربع خمس دقايق وقاعد عمال يزعق ويعيط وهيه بتبربش، وتقول له إنها ما حبتش ولا هتحب حد غيره أبداً قطعاً واستحالة، تبص تلاقي إذ فجأةً الباب اتفتح عنوة ودخل عدو جديد يبقى إبن عم خال العدو الشرير الأول، ومعاه سلاح آلي وأربع بلطجية، وهاتك يا ردح ومونولوجات، وزعيق وعياط، وتطلع حبيبة البطل أخته في الرضاعة، ومش ممكن يسمح بإن البطل يتهنى بيها ولو لحظة واحدة، وواحد من البلطجية ياخد باله من كلمة أخته في الرضاعة فيعرف إن البطل هوه كمان أخوه في الرضاعة مما يعني بالتبعية إن البطل وحبيبته أخوات، وينزلوا دعك ورشاشات، ودم وميلودراما لحد ما يطلع في الآخر إن البطل كان له توأم ومات، وإن اللي همه فاكرينه أخوهم ده مش هوه، التاني هوه اللي أخوهم مش الأولاني، والأولاني يطلع إبن عم أحمد عز، وأخوات أحمد عز من صغرهم يقولوا له يا أبيه.