ملك التوك توك
عتريس الليثي زميلي في المدرسة الإبتدائي ربنا كرمه وساب التعليم واشتغل مع أبوه في محل الخردوات اللي على أول شارع 19 أغسطس...عتريس من زمان و هو بيشاركني حب المزيكا الكلاسيك، يعني أول لمّا عمدتنا العظيم صاحب فكرة الأوركسترا أنشأ لنا الأوركسترا السيمفوني السريع والمتين كنت أنا و عتريس من أول الناس اللي كانت رايحة جاية على الحفلات كل شهر، وعمري ما انسى لما كنا نروح أنا و هوه بعد حفلة من الحفلات، ونركب حمار أبوه اللي أحياناً كان بيديهولنا نروح بيه ونتكلم عن المؤلفات اللي سمعناها ، سيمفونية "الجاموس" لمؤلفها صقر الششتاوي أوالقصيد السيمفوني المؤثر:"آلام مجند في الأمن المركزي" بتاع صبحي عيداروس و لا كونشيرتو "ريحة الحبايب" لفاطمة كوارع وغيره و غيره من المؤلفات العظيمة و المهمة اللي الأوركسترا كان بيعزفها وإحنا كنا نقعد فاتحين بقنا وقاعدين ندور الصوت بيطلع منين ولا منين.
المهم إن عتريس من ساعة ما ساب التعليم بطّل ييجي معايا الحفلات، ومابقيناش بنشوف بعض إلا كل فين وفين. من يومين و أنا ماشي في الكفر لمحت الواد عتريس راكب توك توك و بيحمّل ركّاب فقابلنا بعض بالأحضان و الشتايم وسب الدين (عشم ومحبة) أصل العيال عندنا في الكفر اتعودت إن كل ما تحب حد أكتر و تفرح لما تشوفه أكتر كل ما الشتايم لازم تبقى أقذر وأعقد (بما في ذلك شتايم الأب و الأم و العرض و الشرف) المهم إننا اتقابلنا و ابتدينا الكلام بعد 3-4 دقايق شتايم على كام قفا و كام بوكس (محبة مش خناق و عهد الله)، عرفت منّه إنه جايب توك توك من 4 سنين و إنه شغال على توك توك و عنده 15 توك توك بيشغّلهم، وإسمه بقى "عتريس ملك التوك توك".
- يخرب بيت أمك البعيد..إيه ياااض الحلاوة دي
- أمال إيه يا حمار، أمال فاكرني خيبة زي –أمك؟
- ياض بطل بقه، بدل ما أقلع الحزام وانسله على جتتك
- حزام إيه، إنت ناسي لما كنت باجرجرك من شعرك لما كان عندك شعر في وسط المسرح الكبير.
- وإنت فاكر لما كنت باسكعك القفا من دول تلف حوالين نفسك مرتين؟
- بس دلوقتي أنا بقيت "ملك التوك توك" يا --- ، وإنت حيا الله بيانيست في الأوركسترا المعفن بتاع المديرية...هههههههه
- إسمع يااااض يا عتريس! إيه رأيك نشتغل سوا؟
- نشتغل سوا إزاي؟
- نعمل بيزنس يعني
- يعني إيه؟
- نحط إعلانات على التكاتك بتاعتك، ويبقى لك نسبة من اللي نبيعه في شباك التذاكر.
- والله فكرة
- وكمان ممكن ترزق وتوصل الناس من وإلى المسرح، وبكده نبقى ضربنا عصفورين بحجر...شغلناك، وعملنا على قفاك شغل..
- وماله
- طيب حاوصلك بمدير التسويق عندنا في الأوبرا، بس إديني تلات أربع اشهر على ما اصحيه، وبعدين نشوف حنعمل إيه.
- وهو كذلك
- قشطة يا ---
- قشطة يا ابن ال.... يا...، يا اللي ال.... قافش في سلسفين أبو ال....
- ماشي يا أبو....
- أبو.... أحسن من ال... اللي عندك من غير.... وماشي ب.... يا ابن ال.... يا ....
- خلاص اتكل على الله بقه بدل ما نتخانق
- هوه إنت بتعرف تتخانق يا .... يا.... يا ابن ال....
- طريقك أخضر بقه يا عتريس، بلاش نضلمها زي كل مرة
- ماشي حامشي المرة دي بس علشان البيزنس...بس إيه اللي تخنك كده ياااض، ما بتروحش الجيم
- لأ باروح.....يا ابن.... يا ....
- ........
- ........
- ........
- ........
المهم إن عتريس من ساعة ما ساب التعليم بطّل ييجي معايا الحفلات، ومابقيناش بنشوف بعض إلا كل فين وفين. من يومين و أنا ماشي في الكفر لمحت الواد عتريس راكب توك توك و بيحمّل ركّاب فقابلنا بعض بالأحضان و الشتايم وسب الدين (عشم ومحبة) أصل العيال عندنا في الكفر اتعودت إن كل ما تحب حد أكتر و تفرح لما تشوفه أكتر كل ما الشتايم لازم تبقى أقذر وأعقد (بما في ذلك شتايم الأب و الأم و العرض و الشرف) المهم إننا اتقابلنا و ابتدينا الكلام بعد 3-4 دقايق شتايم على كام قفا و كام بوكس (محبة مش خناق و عهد الله)، عرفت منّه إنه جايب توك توك من 4 سنين و إنه شغال على توك توك و عنده 15 توك توك بيشغّلهم، وإسمه بقى "عتريس ملك التوك توك".
- يخرب بيت أمك البعيد..إيه ياااض الحلاوة دي
- أمال إيه يا حمار، أمال فاكرني خيبة زي –أمك؟
- ياض بطل بقه، بدل ما أقلع الحزام وانسله على جتتك
- حزام إيه، إنت ناسي لما كنت باجرجرك من شعرك لما كان عندك شعر في وسط المسرح الكبير.
- وإنت فاكر لما كنت باسكعك القفا من دول تلف حوالين نفسك مرتين؟
- بس دلوقتي أنا بقيت "ملك التوك توك" يا --- ، وإنت حيا الله بيانيست في الأوركسترا المعفن بتاع المديرية...هههههههه
- إسمع يااااض يا عتريس! إيه رأيك نشتغل سوا؟
- نشتغل سوا إزاي؟
- نعمل بيزنس يعني
- يعني إيه؟
- نحط إعلانات على التكاتك بتاعتك، ويبقى لك نسبة من اللي نبيعه في شباك التذاكر.
- والله فكرة
- وكمان ممكن ترزق وتوصل الناس من وإلى المسرح، وبكده نبقى ضربنا عصفورين بحجر...شغلناك، وعملنا على قفاك شغل..
- وماله
- طيب حاوصلك بمدير التسويق عندنا في الأوبرا، بس إديني تلات أربع اشهر على ما اصحيه، وبعدين نشوف حنعمل إيه.
- وهو كذلك
- قشطة يا ---
- قشطة يا ابن ال.... يا...، يا اللي ال.... قافش في سلسفين أبو ال....
- ماشي يا أبو....
- أبو.... أحسن من ال... اللي عندك من غير.... وماشي ب.... يا ابن ال.... يا ....
- خلاص اتكل على الله بقه بدل ما نتخانق
- هوه إنت بتعرف تتخانق يا .... يا.... يا ابن ال....
- طريقك أخضر بقه يا عتريس، بلاش نضلمها زي كل مرة
- ماشي حامشي المرة دي بس علشان البيزنس...بس إيه اللي تخنك كده ياااض، ما بتروحش الجيم
- لأ باروح.....يا ابن.... يا ....
- ........
- ........
- ........
- ........
ههههههههههههه يعيش ابو حماده ملك التوك توك رئيس جمهوريه ابو حماده السي فونى
ReplyDeleteLOL!!! What an imagination!
ReplyDeleteامكانياتك الابداعية فى نمو وانتعاش وهذا اثر الاحساس بالحرية بعد الثورة ممتزج بالواقع المر تحياتى وتمنياتى بالانشار
ReplyDeleteثورة ثورة...إلى الأمام...
ReplyDelete